ກອງປະຊຸມຄັ້ງປະຖົມມະເລີກການຮ່ວມມືສອງຝ່າຍ ລາວ-ລັດເຊຍ ກ່ຽວກັບການນໍາໃຊ້ທາດໄຍຫີນຂາວຢ່າງປອດໄພ
ວັນທີ: 29-07-2022
ກອງປະຊຸມຄັ້ງປະຖົມມະເລີກການຮ່ວມມືສອງຝ່າຍ ລາວ-ລັດເຊຍ ກ່ຽວກັບການນໍາໃຊ້ທາດໄຍຫີນຂາວຢ່າງປອດໄພ
ໃນວັນທີ 8 ກໍລະກົດ 2022 ກົົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມປຶກສາຫາລື ລະຫວ່າງຄະນະຊ່ຽວຊານຝ່າຍລາວ ຮ່ວມກັບຄະນະຊ່ຽວຊານ ສ.ລັດເຊຍ ກ່ຽວກັບການຮ່ວມມື ສຶກສາການນໍາໃຊ້ທາດໄຍຫີນຂາວ ແລະ ວັດສະດຸທີ່ມີສ່ວນປະກອບຂອງທາດໄຍຫີນຂາວ ຢູ່ ສປປ ລາວ ໃນຮູບແບບກອງປະຊຸມທາງໄກ ໂດຍການເປັນປະທານຂອງທ່ານ ປອ ບົວວັນ ວິລະວົງ, ຫົວໜ້າກົມອຸດສາຫະກໍາ ແລະ ຫັດຖະກໍາ ໂດຍມີຜູ້ເຂົ້າຮ່ວມຈາກ ກະຊວງການຕ່າງປະເທດ, ກະຊວງສຶກສາທິການ ແລະ ກິລາ, ກະຊວງແຮງງານ ແລະ ສະຫວັດດີການສັງຄົມ ແລະ ສູນມະເຮັງໂຮງໝໍມິດຕະພາບ ແລະ ເຂົ້າຮ່ວມຝ່າຍລັດເຊຍປະກອບມີ ກົມໂລຫະວິທະຍາ ແລະ ວັດຖຸ, ກະຊວງອຸດສາຫະກໍາ ແລະ ການຄ້າ ສ.ລັດເຊຍ, ສະຖານທູດລັດເຊຍປະຈໍາລາວ, ກະຊວງພັດທະນາເສດຖະກິດ ສະຫະພັນລັດເຊຍ, ສະຖາບັນທາດໄຍຫີນຂາວ ສ.ລັດເຊຍ, ສູນພັດທະນາເຕັກໂນໂລຊີ, ສະຖາບັນຊັບພະຍາກອນແຮ່ທາດ ແລະ ສູນການວິເຄາະຂໍ້ມູນຂ່າວສານກ່ຽວກັບກິດຈະກໍາການຄ້າຕ່າງປະເທດ, ກະຊວງອຸດສາຫະກໍາ ແລະ ການຄ້າ ສ.ລັດເຊຍ.