ຂ່າວສານ ແລະ ກິດຈະກຳ
ຄະນະຊ່ຽວສະຫະພັນລັດເຊຍ ລົງຢ້ຽມຍາມໂຮງງານຜະລິດກະເບື້ອງ
ວັນທີ: 04-08-2023
ໃນຕອນບ່າຍວັນທີ 31 ກໍລະກົດ 2023 ກົມອຸດສາຫະກຳ ແລະ ຫັດຖະກຳ ຮ່ວມກັບ ຄະນະຜູ້ແທນສະຫະພັນລັດເຊຍ ໄດ້ລົງຢ້ຽມຍາມໂຮງງານຜະລິດກະເບື້ອງ 02 ແຫ່ງ ທີ່ແຂວງວຽງຈັນ ແລະ ນະຄອນຫຼວງວຽງຈັນ ຄື: ໂຮງງານ ຊັນ ຜະລິດວັດສະດຸກໍ່ສ້າງ ບ້ານໂພນທອງ, ເມືອງໄຊເສດຖາ, ນະຄອນຫຼວງວຽງຈັນ ແລະ ໂຮງງານກະເບື້ອງ DDK ບ້ານໜອງຂອນ, ເມືອງໂພນໂຮງ, ແຂວງວຽງຈັນ. ເພື່ອພົບປະ, ແລກປ່ຽນຂໍ້ມູນ ແລະ ແນະນໍາການນໍາໃຊ້ທາດໄຍຫີນຂາວຢ່າງປອດໄພແກ່ຜູ້ປະກອບການ.
ນອກຈາກນີ້, ກໍໄດ້ແນະນໍາກ່ຽວກັບຂະບວນການຜະລິດ, ວິທີການປ້ອງກັນ ແລະ ການກໍາຈັດສິ່ງເສດເຫຼືອໃຫ້ຖືກວິທີ ລວມທັງເຜີຍແຜ່ຂໍ້ມູນຜົນວິໄຈທາງດ້ານວິທະຍາສາດກ່ຽວກັບຄຸນລັກສະນະຂອງທາດໄຍຫີນ ໃຫ້ຜູ້ປະກອບການ.